2016-03-23 11:00

ჟურნალისტი, გაზეთ "ქრონიკა პლუსის" დამფუძნებელი და მთავარი რედაქტორი ელისო კილაძე კიბერშეტევის მსხვერპლი გახდა: დაუდგენელმა პირებმა "ფეისბუქში" მისი პროფილი და ელექტრონული ფოსტა გატეხეს. ამის შესახებ ელისო კილაძემ თავად დაწერა "ფეისბუქზე", პროფილის აღდგენის შემდეგ. 

"დილიდან ჩემი ფეისბუქის პროფილი გატეხილი იყო. მხოლოდ ახლა მოხერხდა აღდგენა. თუ ჩემგან რამე მიიღეთ, ეს მე არ ვიყავი. ასევე გატეხილია ჩემი ელექტრონული ფოსტაც", - წერს ელისო კილაძე. 

შეგახსენებთ, ელისო კილაძემ ბოლოს სკანდალური მასალები გუშინ, "არჩევანში" გაასაჯაროვა. საკითხი პირადი ცხოვრების ამსახველი ფარული, უკანონო ჩანაწერების თემას ეხებოდა და "ქრონიკა პლუსის" მთავარმა რედაქტორმა ვრცლად ისაუბრა, რა შეხება შეიძლება ჰქონოდა ყოფილი პრემიერის ირაკლი ღარიბაშვილის გარემოცვას თავდაპირველად გავრცელებულ, გიორგი ფარესიშვილის პირადი ცხოვრების ამსახველი კადრების ატვირთვასთან და საიდან შეიძლებოდა ის ატვირთულიყო, ასევე იმაზე, რომ ის ამბავი მაშინ სულ ტყუილად დაბრალდა მაშინდელ შს მინისტრის მოადგილეს გელა ხვედელიძეს.