მთელი ღამის განმავლობაში ხმაური იყო ზუგდიდის ცენტრალური სუპერმარკეტის (ბაზრის) ტერიტორიაზე. როგორც ადგილზე მყოფი მოვაჭრეები აცხადებდნენ, მერიის ზედამხედველობის სამსახური ბაზრის სავალ ნაწილებზე განთავსებული ლითონის კონსტრუქციის დემონტაჟს აპირებდა.
ცენტრალური სუპერმარკეტის ტერიტორიაზე იმყოფებოდა ქალაქ ზუგდიდის საკრებულოს ფრაქცია "ერთიანი ნაციონალური მოძრაობის" წევრი ანა წითლიძე. როგორც დეპუტატმა ტვ "ოდიშთან" საუბრისას განაცხადა, ადგილზე სამართალდამცავები იყვნენ მობილიზებულნი, ბაზრის ტერიტორიაზე იმყოფებოდნენ ქალაქ ზუგდიდის ვიცე-მერი გია გულორდავა, მერიის ზედამხედველობის სამსახურის უფროსი ნუკრი ესართია და შსს ზუგდიდის სამმართველოს უფროსი კობა ხარებავა. ანა წითლიძის განცხადებით, შელაპარაკება მოხდა მასსა და სამმართველოს უფროსს შორის.
ცენტრალური სუპერმარკეტის ტერიტორიაზე იმყოფებოდნენ მოვაჭრეებიც. ამ დრომდე ლითონის კონსტრუქციების დემონტაჟის პროცესი არ დაწყებულა. ენმ-ს წევრებმა ბაზრის ტერიტორიაზე მორიგეობა დააწესეს.
