-
2016-03-06 21:01
აშშ-ის ყოფილი პირველი ლედი, პრეზიდენტ რონალდ რეიგანის მეუღლე ნენსი - 94 წლისა გარდაიცვალა. ინფორმაციას CBS ავრცელებს.
ნენსი დევისი (ქალიშვილობის გვარი) და რონალდ რეიგანი 1952 წელს დაქორწინდნენ. მათ ერთმანეთი 1949 წელს გაიცნეს, როცა ნენსი მსახიობი იყო, რონალდ რეიგანი კი ამერიკელ კინომსახიობთა გილდიას მეთაურობდა.
რონალდ რეიგანი აშშ-ის მე-40 პრეზიდენტი იყო. ის პრეზიდენტად ორჯერ ზედიზედ აირჩიეს. აშშ-ს სახელმწიფოს რეიგანი 1981-დან 1989 წლამდე მეთაურობდა. რონალდ რეიგანი 2004 წელს, 93 წლისა გარდაიცვალა.