დღეს საკონსტიტუციო სასამართლოში სარჩელი შეაქვს ახალი პოლიტიკურ ცენტრის "გირჩის" წარმომადგენელს იაგო ხვიჩიას. "გირჩის" კანონპროექტი მარიხუანის დეკრიმინალიზაციის შესახებ, პარლამენტმა პირველი მოსმენით ჩააგდო.
კანონპროექტს დასამტკიცებლად 3 ხმა დააკლდა, რის გამოც პოლიტიკურმა ცენტრმა სამართლებრივი დავის დაწყება გადაწყვიტა. მარიხუანის დეკრიმინალიზაციის შესახებ კანონის პროექტს მხარი "ქართული ოცნების" წევრებმა არ დაუჭირეს.
ინიციატორები სისხლის სამართლის კოდექსში იმ მუხლის გაუქმებას მოითხოვენ, რომელიც 5 გრამამდე მარიხუანისთვის პატიმრობას ითვალისწინებს.
კანონპროექტის პირველი მოსმენით ჩაგდების შემდეგ, პარლამენტში ორ კვირაში გაიმართება განმეორებითი კენჭისყრა.