„თავისუფალი თაობის“ ლიდერი ლადო სადღობელაშვილი „ახალ თაობასთან“ ინტერვიუში ამბობს, რომ რესპუბლიკელი დავით ზურაბიშვილი მორწმუნე მართლმადიდებლებს შეურაცხყოფას აყენებს, მაგრამ სასამართლოში კი არ უჩივლებენ, არამედ „სხვანაირად მოსთხოვენ პასუხს“.
სადღობელაშვილის თქმით, ის, რაც ბოლოს ზურაბიშვილმა მღვდლებზე დაწერა, მთლად მიუღებელი იყო. ამის შემდეგ მან პრესკონფერენცია გამართა, თუმცა, როგორც სადღობელაშვილი ამბობს, „იმ პრესკლუბის წარმომადგენლებს ვეცით პატივი, სადაც ღონისძიება შედგა, თორემ მივუვარდებოდით და თავზე დავამხობდით იქაურობას. ნაციონალების მიერ კონტროლირებად პრესკლუბში როცა მივა, იქ ნამდვილად მივაკითხავთ.
უკანონოს არაფერს ჩავიდენთ. ჩვენ ყოველთვის კანონის ფარგლებში ვმოქმედებთ და ზურაბიშვილსაც კანონის შესაბამისად მოვთხოვთ პასუხს ყველა შეურაცხყოფაზე. რელიგიური გრძნობების შეურაცხყოფაზე რეაგირება აუცილებელია. ამისთვის სხვა რესპუბლიკელებსაც უნდა მოეთხოვოთ პასუხი“.
რაც შეეხება იმას, კონკრეტულად რის გამო შემოსწყრნენ ახალთაობელები ზურაბიშვილს: „მისი განცხადებით, დაუშვებელია თურმე, რომ მღვდლის გინება ფასიანი იყოს და სხვა პროფესიების უფასო, ან უცოდინარმა მკრეხელმა ისიც კი არ იცის, რომ მღვდელი პროფესია არ არის, ისევე, როგორც რაბინი ან მოლა...“
