საქართველოს კომუნიკაციების ეროვნულმა კომისიამ გაავრეცლა ინფორმაცია, რომ კერძო რადიომაუწყებლობის №B102 ლიცენზია, რომელიც მედიაცენტრს „ღია აფხაზეთისთვის“ ეკუთვნოდა, მისივე მოთხოვნით გააუქმა.
ჰოლდინგი „აფხაზეთის ხმა“ განუმარტავს მისი მაუწყებლობით დაინტერესებულ პირებს, რომ ლიცენზიის გაუქმება მართლაც მედიაცენტრის მოთხოვნით მოხდა და ის არ უკავშირდება ჰოლდინგში შემავალი რადიოების, მათ შორის, „აფხაზეთის ხმის“ მაუწყებლობის შეწყვეტას.
ლიცენზიის ფლობა აჭარის რეგიონში არსებული გადამცემის მოდიფიცირების ვალდებულებას მოიცავდა, რაზეც ამ ეტაპზე, მედიაცენტრმა უარი თქვა და ლიცენზიის გაუქმება მოითხოვა.
„აფხაზეთის ხმა“, „დარდიმანდი“, „შანსონი“ და ტელეკომპანია „აფხაზეთის ხმა“ ისევ ჩვეულ ფორმატში აგრძელებს მაუწყებლობას და კომუნიკაციების კომისიის გადაწყვეტილება მათთან კავშირში არ არის.
ამასთან, მედიაჰოლდინგი „აფხაზეთის ხმა“ მადლობას უხდის იმ უამრავ მსმენელს, მაყურებელსა და მკითხველს, რომლებიც ლიცენზიის გაუქმების შესახებ ინფორმაციის გავრცელებიდან ამ დრომდე გვიკავშირდებიან და დეტალებით ინტერესდებიან.
მედიაცენტრი "ღია აფხაზეთისთვის"
