გაზეთ "ქრონიკა პლუსის" რედაქტორმა, ჟურნალისტმა ელისო კილაძემ უპასუხოდ არ დატოვა პარლამენტის ვიცე-სპიკერის რეპლიკა იმის შესახებ, რომ "ჟურნალისტის მანტიას ამოფარებული ჟურნალისტები არ ასახელებენ ვინაობას". მან კობახიძეს იქვე მიმართა შეკითხვით, რა იცის მან იმის შესახებ, ვინ დაასახელა გამოძიებისთვის მიცემულ ჩვენებაში ელისო კილაძემ ან სხვამ.
მანანა კობახიზემ ელისო კილაძესთან დებატებს თავი აარიდა და განაცხადა, რომ "აქ კილაძესთან სასაუბროდ არ მოსულა", ხოლო შემდეგ, პარალელურ რეჟიმში ლაპარაკით ცდილობდა, ელისო კილაძის სიტყვები გადაეფარა.
"მესმის, თქვენ ახლა ნერვიულობთ, რადგან ვიცი, რომ მძიმე საუბარი გქონდათ ივანიშვილთან, რომელმაც დაგიბარათ და პასუხი მოგთხოვათ", - განაცხადა ელისო კილაძემ მანანა კობახიძის გასაგონად.
შეგახსენებთ, ელისო კილაძე ერთერთი პირველი იყო, ვინც ე.წ. კოკაინის სკანდალთან" დაკავშირებულ საქმეში მსჯავრდებული პირების შეწყალების თემაზე ფინანსურ დაინტერესებაში მანანა კობახიძე ეკა ბესელიასთან ერთად ამხილა, რასაც მანანა კობახიძის აღიარება მოჰყვა, რომ "კოკაინის საქმეზე" მსჯავრდებულთან დაკავშირებით ალეკო ელისაშვილს მართლაც სთხოვა ჩარევა.
