2015-11-02 12:58

საკონსტიტუციო სასამართლომ რუსთავი 2-ის სარჩელი წარმოებაში მიიღო და საქმის დაუყოვნებლივ აღსრულების ნორმის ამოქმედება შეაჩერა გადაწყვეტილების მიღებამდე. 

საკონსტიტუციო სასამართლოს რუსთავი 2-მა სარჩელით 26 ოქტომბერს მიმართა. სამაუწყებლო კომპანიის იურისტები გადაწყვეტილების დაუყონებლივი აღსრულების ნორმის ხარვეზებზე მიუთითებდნენ და იმ მუხლების გაუქმებას ითხოვდნენ, რომლებიც შესაძლოა, რუსთავი 2-ის წინააღმდეგ მოსამართლე ურთმელიძემ გამოიყენოს.

ადვოკატის განმარტებით, ამ ვარაუდს ისიც ამყარებს, რომ სასამართლოს უფლება აქვს დაუყონებლივი აღსრულების შესახებ გადაწყვეტილება ზეპირი მოსმენის გარეშე მიიღოს, რუსთავი 2-ის დაცვის მხარეს კი კონსტიტუციით მინიჭებული უფლების გამოყენების საშუალება მთლიანად შეეზღუდოს.

საკონსტიტუციო სასამართლოს გადაწყვეტილებას გამოეხმაურა "რუსთავი-2"-ის გენერალური დირექტორი ნიკა გვარამია:

"უმნიშვნელოვანესი გამარჯვება - საკონსტიტუციო სასამართლომ ჩვენი სარჩელი წარმოებაში მიიღო და დაუყოვნებილივი აღსრულების მუხლის მოქმედება შეაჩერა. რუსთავი 2მა აირიდა ელვისებური განადგურების საშიშროება. დანარჩენს აწი ვნახავთ...

ps: საქართველოს მთავრობავ, სანამ თქვენ ვაიბერზე სისულელეებს უსმენდით და იგეგმებოდით, ჩვენ ნამდვილი ბარიკადა გრეკეთ შუბლში...", - წერს ნიკა გვარამია.