ბიძინა ივანიშვილის გარშემო ახალი სკანდალი მწიფდება: ამჯერად მისი პირველი მეუღლის ინგა პავლოვას ხელით, რომელიც აცხადებს, რომ ივანიშვილი მასზე პარიზში დაქორწინდა, ხოლო განქორწინების დროს დოკუმენტები გააყალბა და განქორწინება ისე გააფორმა, რომ ქალს მასში მონაწილეობა არ მიუღია.
"პოსტსკრიპტუმში" გასულ სიუჟეტში აღწერილია, რომ არსებობს ორი საქმე: ერთი სისხლის სამართლის - თაღლითობის შესახებ, რის გამოც, ბიძინა ივანიშვილი, შესაძლოა, პარიზის პროკურატურამ დაკითხვაზეც კი დაიბაროს და მეორე სამოქალაქო, სადაც ინგა პავლოვა კომპენსაციას ითხოვს. დოკუმენტაცია ორივე საქმეზე არსებობს - პარიზის ნოტარიალურ არქივში დაცულია ქორწინების შესახებ ცნობა, სადაც შავით თეთრზე წერია, რომ 1991 წელს ინგა პავლოვამ და ბიძინა ივანიშვილმა იქორწინეს, ხოლო 1994 წელს, შეთანხმების საფუძველზე, დაშორდნენ ერთმანეთს.
ქორწინების შესახებ არსებულ ცნობაზე ბიძინა ივანიშვილს შეკითხვა ჟურნალისტმა ლაშა ბერულავამ ჯერ კიდევ მაშინ დაუსვა, როცა ის ქვეყნის პრემიერმინისტრი იყო, თუმცა ამ შეკითხვამ პრემიერი წყობიდან გამოიყვანა და მან შეკითხვის ავტორი არაკორექტულობაში დაადანაშაულა, რასაც ჟურნალისტი შეეწინააღმდეგა. საბოლოოდ, ივანიშვილმა განაცხადა, რომ მას არასდროს კანონი არ დაურღვევია და ტყუილი არ უკადრებია, თუმცა, რამდენად შეესაბამება სიმართლეს მისი მტკიცება, მალე პარიზის პროკურატურის მიერ საკითხის შესწავლა გასცემს პასუხს.
ვიდეო: "პოსტსკრიპტუმის" სიუჟეტი "რუსთავი-2"-ზე
