2014-11-14 11:54

კახა ბენდუქიძე იყო და არის დიდი ცვლილებების მამოძრავებელი ძალა- ასე გამოეხმაურა უკრაინის პრეზიდენტი პეტრო პოროშენკო საქართველოს ეკონომიკის ყოფილი მინისტრის კახა ბენდუქიძის გარდაცვალებას.

პეტრო პოროშენკომ მწუხარება გამოთქვა კახა ბენდუქიძის გარდაცვალების გამო და მიუსამძიმრა მის ახლობლებს. უკრაინის პრეზიდენტმა სამძიმრის წერილი ,,ტვიტერზე“ განათავსა.

პოროშენკოს  ადმინისტრაციის პრესმდივანმა სვიატოსლავ ცეგალკომ კი გაიხსენა, როგორ უზიარებდა უკრაინის მთავრობას კახა ბენდუქიძე საკუთრ გამოცდილებას საქართველოში გატარებული რეფორმების შესახებ.

"არასდროს დამავიწყდება მისი ფრაზა - თუ არ დაიწყებთ რეფორმების გატარებას, ხალხი ამ კაბინეტებიდან გამოგიტანთ", - დაწერა მან ,,ფეისბუქზე".