2014-05-06 13:31

საქართველოს თავდაცვის მინისტრი ამერიკაში შეხვედრებს განაგრძობს. დღეს ირაკლი ალასანია სიტყვით გამოვიდა, თავდაცვის მინისტრმა საქართველოს ნატოში გაწევრიანების მნიშვნელობაზე გაამახვილა ყურადღება და ალიანსს მეტი აქტიურობისკენ მოუწოდა.

ირაკლი ალასანიამ აქცენტი ასოცირების ხელშეკრულებაზეც გააკეთა აქცენტი. ამ მიმართულებით საქართველოს ყოფილი პრეზიდენტების, მათ შორის, მიხეილ სააკაშვილის ღვაწლიც ახსენა.

,,ჩვენ ველოდებით, უახლოეს ხანებში ევროკავშირთან ძალიან მნიშვნელოვან ხელმოწერას, რომელიც სავარაუდოდ ივნისის მეორე ნახევარში მოხდება. ეს არის ევროკავშირთან ასოცირების შეთანხმება. ეს იქნება იმ პროგრესის დასტური, რასაც საქართველომ ათწლეულების განმავლობაში მიაღწია.

ყველა ადმინისტრაციამ იმუშავა იმისთვის რომ ქვეყანა აქამდე მიეყვანა. პირველმა პრეზიდენტმა მოიპოვა დამოუკიდებლობა, მეორე პრეზიდენტმა შევარდნაძემ საერთაშორისო რუქაზე დააფიქსირა საქართველო, პრეზიდენტმა სააკაშვილმა აჩვენა, რომ სახელმწიფო ინსტიტუტები ძლიერია. ახლა კი, ამჟამინდელი პრემიერ მინისტრი ღარიბაშვილი აკეთებს ყველაფერს, რათა წინა მთავრობების წარმატების საფუძველზე საქართველო კიდევ უფრო დაუახლოვდეს ნატოს“-განაცხადა ირაკლი ალასანიამ.

საქართველოს ნატოში ინტეგრაციასთან დაკავშირებით, ირაკლი ალასანია ხვალ ამერიკის თავდაცვის მდივანს შეხვდება.