2014-05-06 11:17

უკრაინის შინაგან საქმეთა მინისტრის არსენ ავაკოვის ინფორმაციით, აღმოსავლეთ უკრაინაში ანტიტერორისტული ოპერაციის ფარგლებში 30 ტერორისტია განადგურებული.

„ჩვენი მხრიდან დაღუპულია 4 სამხედრო და დაჭრილია 20. ტერორისტების მხრიდან კი დაღუპულია 30 და ათობით დაჭრილია. მათ შორის ბევრია ყირიმელები და რუსები. დღეს იყვნენ ჩეჩნებიც. ვერტფრენმა ავარიული დაშვება განახორციელა, მფრინავები გადარჩნენ“-განაცხადა არსენ ავაკოვმა.