2014-05-06 11:14

სლავიანსკის მახლობლად უკრაინელი სამხედროები ქვეყნის შინაგან საქმეთა მინისტრმა მოინახულა. თავდაცვის უწყებამ კი სლავიანსკის მახლობლად გადაღებული კადრები გაავრცელა, სადაც ჯარისკაცების მიერ ტვირთის გადაზიდვისა და დაკავებული სეპარატისტების გადაყვანის პროცესია ასახული.

ვენაში რუსეთისა და უკრაინის საგარეო საქმეთა მინისტრები ჩავიდნენ. ისინი დღეს ევროპის საბჭოს კომიტეტის შეხვედრას დაესწრებიან, რომელიც უკრაინის კრიზისის მოგვარებას დაეთმობა.

დეესკალაციის პროცესში ჩართვისთვის მზად არის პირადად გაეროს გენერალური მდივანი. პრესაში ანტიტერორისტული ოპერაციის დროს დაღუპულების ოჯახებს სამძიმარს უცხადებს შეერთებული შტატები და მომხდარის გამოძიებაზე საუბრობს.