2014-05-03 12:44

გლდანის ლომისის წმინდა გიორგის სახელობის ეკლესიაში სასულიერო პირს სანათლავიდან ოლარი, „მცირე კურთხევანი“ და ხელის ჯვარი მოჰპარეს.

ამის შესახებ თავად სასულიერო პირმა „ფეისბუქში“ დაწერა და გამოაქვეყნა თავისი ფოტო, სადაც უკვე მოპარული ოლარით, ქურდობამდეა გადაღებული.

ირაკლი კუთხაშვილი ფოტოს სხვადასხვა ჯგუფებში აზიარებს და ინტერნეტმომხმარებლებს სთხოვს, თუ რამე იციან ან სადმე შეხვდებიან მოპარულ ოლარს, შეატყობინონ.

"ამა წლის 29 აპრილს, გლდანის ლომისის წმ. გიორგის სახელობის ეკლესიიდან,სანათლავიდან ,გაურკვეველმა პიროვნებამ წაიღო ოლარ-სამკლაურები,მცირე კურთხევანი და ხელის ჯვარი.

თუ სადმე აღმოაჩინეთ ან გეცნობათ სურათზე ნანახი ოლარი ,უმორჩილესათ გტხოვთ შემატყობინოთ,რადგან საკმაოდ სამსახსოვროა ჩემთვის.

უფალმა დაგლოცოთ და გაგახაროთ.

თხოვნა მექნება მორწმუნე მრევლში გაავრცელოთ".