2014-05-02 23:05

„მოდით, ყველაფერს თავისი სახელი დავარქვათ, 70-იან წლებში საქართველოს ეკლესიაში დიდი „ცისფერი სკანდალი“ იყო, მათი უმრავლესობა გარდაცვლილია და ახლა ამაზე საუბარს აღარ განვავრცობ“, - ამის შესახებ მამა ილია ვაშაკიძემ გადაცემა „პოზიციაში“ განაცხადა.

მამა ილია ვაშაკიძის განცხადებით, ჰომოსექსუალიზმი ცოდვაა და მისი განკურნების გზები არსებობს, ხოლო ჰოლოსექსუალებს წყევლა კი არ სჭირდებათ, არამედ, მათი სინანულის შემთხვევაში - შეწყნარება, რადგან იესო ქრისტეს არავინ სძულდა.

„ კანონიერი კრიმინალური ავტორიტეტი ხომ საფრთხეს უქმნის ქვეყანას და 7 წელია ამისთვის სასჯელი, მაგრამ ჩემთან მოსული მონანული აღმსარებელი კრიმინალური ავტორიტეტიც ყოფილა, მეძავიც და ჰომოსექსუალიც - დედა ეკლესია მასწავლის იმას, რომ ყველა მონანული შევიწყალო, - განაცხადა მამა ილია ვაშაკიძემ გადაცემა „პოზიციაში“.

შეგახსენებთ, რომ ცოტა ხნის წინ მამა ილია ვაშაკიძემ „ფეისბუქში“ დაწერა, რომ ცოდვების აღმოფხვრა საპატრიარქომ თავისი კედლებიდან უნდა დაიწყოს და ჯერ იქ უნდა გამოავლინოს „პედარასტები და პედოფილები“.