2014-10-14 14:52

საქართველოს იუსტიციის მინისტრი არ აგამორიცხავს, რომ "ნაციონალური მოძრაობა", შესაძლოა, ცდილობდეს წინასწარდაგეგმილი დანაშაულებით საზოგადოებისთვის იმის ჩვენებას, რომ კრიმინალმა იმატა.

თეა წულუკიანმა პრემიერმინისტრის განცხადების კომენტირებისას განაცხადა, რომ დასადგენია, არის თუ არა კავშირი კუდ-ის ყოფილ თანამშრომლებსა და წინა ხელისუფლების მმართველებს შორის.

"აუცილებელია, დადგინდეს, იყო თუ არა კავშირი კუდ-ის ყოფილ თანამშრომლებსა და მაშინდელი, ყოფილი მთავრობის მმართველებს შორის. ამას, ალბათ, გამოძიების პროცესში უფრო მეტი ნათელი მოეფინება. თუმცა, მეც არ გამოვრიცხავ იმასაც, რომ ამგვარი წინასწარდაგეგმილი დანაშაულებით ცდილობდეს სწორედ ნაციონალური მოძრაობა, აჩვენოს საზოგადოებას, თითქოსდა დანაშაულმა იმატა. რა თქმა უნდა, ასეთი დანაშაულები თუ თავადვე მოიფიქრეს და დადგეს, შემდეგ სპეკულაციებიც შეუძლიათ წარმატებით", - თქვა წულუკიანმა.