"ნაციონალური მოძრაობის" წევრი ნუგზარ წიკლაური და პარტიის სხვა წევრები პრემიერმინისტრ ირაკლი ღარიბაშვილის ბრალდებას პასუხობენ, რომელმაც განაცხადა, რომ 19 წლის ახალგაზრდის გატაცება "ნაციონალური მოძრაობის ხელწერა და სახეა".
„ძერჟინსკი და ეჟოვიც კი ვერ მოიფიქრებდნენ ისეთ ზნედაცემულ ტყუილს როგორიც დღეს იკადრა პრემიერმინისტრმა ღარიბაშვილმა. მისი ეს განცხადება მიუთითებს იმაზე, რომ მთავრობამ მთლიანად დაკარგა კონტროლი ქვეყანაში მიმდინარე პოლიტიკურ პროცესებზე.
მოვუწოდებთ ხელისუფლებას შეწყვიტოს დამღუპველი პრაქტიკა საზოგადოების გახლეჩვის და დაპირისპირების . ყველა მნიშვნელოვანი თემა, რომელიც არსებობს ჩვენს საზოგადოებაში, იქნას გამოძიებული დეტალურად და სწორედ ამიტომ ამ ფაქტთან დაკავშირებითაც ჩვენ მოვუწოდებთ მათ, რომ შეიქმნას ერთობლივი საპარლამენტო კომისია.
ცინიკურია, რომ ამ განაცხადებას აკეთებს თამაზაშვილების კლანის წარმომადგენელი, რომლის მმართველობის დროსაც კახეთში ათეუილობით ადამიანი იყო გატაცებული“, - განაცხადა ნუგზარ წიკლაურმა.
ირაკლი ღარიბაშვილს უპასუხა გიორგი ბარამიძემაც: ,,თუ ღარიბაშვილმა ადამიანის გატაცება მართლა ნაციონალურ მოძრაობას დაგვაბრალა, მაშინ მე მას ვეტყვი, რომ ის არის უნამუსო ცილისმწამებელი და უკანასკნელი ნაძირალა! ", - წერს ის.