-
2014-10-11 21:54
საქართველოს პრეზიდენტმა უკრაინელ ჟურნალისტებთან შეხვედრისას განაცხადა, რომ უკრაინაში მიმდინარე მოვლენები 2008 წლის აგვისტოს გაგრძელებაა.
"დიდი იმედი გვაქვს, რომ ის პრობლემები, რომლებიც უკრაინას დაატყდა თავს, სწრაფად, ეფექტიანად და ადამიანური მსხვერპლის გარეშე გადაიჭრება. სამწუხაროდ, მსგავსი რამ ჩვენ უკვე გამოცდილი გვაქვს. ჩვენ ეს გავიარეთ 2008 წელს და მანამდეც,“ - განაცხადა პრეზიდენტმა.
გიორგი მარგველაშვილმა რუსეთის პოლიტიკა გააკრიტიკა:
„ნებისმიერი სახელმწიფო ცდილობს არა იმას, რომ საკუთარ საზღვართან მსგავსი პრობლემა შექმნას, არამედ გადაჭრას, თუკი ის არსებობს. რუსული პოლიტიკა, ამ თვალსაზრისით, სამწუხაროდ, თავად იქმნის პრობლემებს. რა თქმა უნდა, ჩვენს ხარჯზე, რომლებისთვისაც ეს უკვე პრობლემა კი არა, ტრაგედიაა. ამიტომ, დროა, გაიგონ, რომ ეს მათთვისვეა ცუდი. მსოფლიოში ყველაზე დიდ ქვეყანას არ სჭირდება დამატებით რამდენიმე ასეული კილომეტრი.“
უკრაინიდან ჩამოსული ჟურნალისტები ერთკვირიანი პროგრამით იმყოფებოდნენ საქართველოში, რომელიც IREX-ის (საერთაშორისო კვლევისა და გაცვლების საბჭოს) ორგანიზებით განხორციელდა.