2020-03-23 10:16

პრემიერ-მინისტრ გიორგი გახარიას თქმით, კორონავირუსის გავრცელების პრევენციისთვის დისტანციის დაცვისას არ აქვს მნიშვნელობა სუპერმარკეტში ხდება ეს თუ ეკლესიაში.

მისივე თქმით, დისტანციის დაცვა როგორც სახელმწიფოს, ასევე ეკლესიას შეუძლია.

"დღეს ჩვენ გვაქვს ყველაზე ეფექტური ინსტრუმენტი, რომ დავიცვათ დისტანცია ერთმანეთთან და არ აქვს მნიშვნელობა სად იქნება ეს, ეკლესიაში თუ სუპერმარკეტში. გავიგე, რომ არის გარკვეული საკითხები, რომელიც არის სენსიტიური და არ არის მარტივად გადასწყვეტი. მაგრამ ჩვენ თუ ვთანხმდებით, რომ ადამიანის, არ აქვს მნიშვნელობა მოქალაქის თუ მრევლის, სიცოცხლე და ჯანმრთელობა არის ჩვენთვის ყველაზე მაღალი ფასეულობა, მაშინ არაფერს არ ნიშნავს და არაფერი არ ღირს 2 მეტრის დისტანციის დაცვა", — განაცხადა გახარიამ.