2015-06-09 23:13

ოდესის ოლქის სამხარეო პოლიციის უფროსი ქართველი გენერალი გახდება, ეს გადაწყვეტილება უკრაინის პრეზიდენტთან კონსულტაციების შემდეგ, დიდი განსჯის შედეგად მივიღე,-

ამის შესახებ მიხეილ სააკაშვილმა პრესკონფერენციაზე განაცხადა. შეგახსენებთ, ადრე უკრაინულ მედიაში გავრცელდა ინფორმაცია, რომ ოდესის ოლქის მთავარი პოლიციელი საქართველოს შს მინისტრის ყოფილი პირველი მოადგილე გია ლორთქიფანიძე ხდება.

სააკაშვილმა ამავე ბრიფინგზე აღნიშნა, რომ მოელაპარაკა შს მინისტრს არსენ ავაკოვსა და მის მოადგილეს ეკა ზღულაძეს, რათა ოდესის ოლქში ახალი საპატრულო პოლიციის ამუშავება დაჩქარდეს. მისი თქმით, ახალი საპატრულო პოლიცია ოდესაში თვის ბოლოს ამოქმედდება.