2014-11-16 23:18

გადაცემაში "იმედის კვირა", დასაწყისში გადაიცა კადრები, სადაც ასახული იყო, როგორ ემზადება მიხეილ სააკაშვილი თბილისში მიმდინარე მიტინგზე კიევიდან ჩასართავად. 

კადრებმა არაერთგვაროვანი რეაქცია გამოიწვია სოციალურ ქსელებში, ინტერნეტმომხმარებლების რეაქცია კი გადაცემის დასრულების შემდეგ "ფეისბუქზევე" შეაფასა თავად ინგა გრიგოლიამ და დაწერა, რომ ეს იყო ჩვეულებრივი, "კურიოზული კადრები, როგორიც წინასაახალწლოდ გადის ხოლმე":

"რა ამბები ამტყდარა ამ ჩართვის კულუარებზე... ხალხო,ჩვეულებრივი კადრები იყო, აი ისეთი, საახალწლო კურიოზებში რომ არის ხოლმე და ვერ ვხვდები, რამ დაძაბა ზოგიერთი....უბრალოდ ვთქვით, ვნახოთ, რა ხდებოდა კულუარებში-თქო და კულუარები რომ ყოველთვის საინტერესოა, ყველა დამეთანხმება... ნუ იძაბებით....შეხედეთ ხალისით...", - წერს ინგა გრიგოლია.