2014-04-30 12:32

სასულიერო პირები, რომელებსაც არანაირი საერთო არ აქვთ სულიერებასთან, პირდაპირ ემუქრებოდნენ პოლიტიკოსებს, რომ ისინი არჩევნებზე ვერ გაიმარჯვებდნენ ,– განცხადა არასამთავრობო ორგანიზაცია "გრასის" წარმომადგენელმა ელენე ხოშტარიამ გადაცემა "არჩევანში" საუბრისას.

ექსპერტმა გუშინ პარლამენტში ანტიდისკრიმინაციული კანონის განხილვისას მომხდარ ინციდენტებზე ისაუბრა და აღნიშნა, რომ პარლამენტის შენობაში ხდებოდა ის, რაც ნახა საზოგადოებამ 17 მაისს ქუჩში.

"ჩვენ საქმე გვაქვს სახელმწიფოებრიობის ძირის მოთხრასთან, ვიტყვი მხოლოდ სამ პუნქტს თუ რატომ ვთვლი ასე- პირველ რიგში, ნაცვლად იმისა ,რომ საპატრიარქო თავს იმართლებდეს თუ რა უფლებით, ან რა ტრადიციებიდან და მორალიდან გამომდინარე ითხოვს საზოგადოების ერთ ჯგუფზე ძალადობის უფლებას, ჩვენ გვთავაზობენ , საზოგადოების ერთ ჯგუფს მივცეთ უფლება, რომ იძალადოს მეორეზე.

მეორე- ეს არის ანტიევროპული და პრორუსული პროპაგანდა, მე არ მოვერიდები და ვიტყვი , რომ ეს არის მეხუთე კოლონის გავლენა, იმიტომ, რომ ჩვენ გვესაუბრებიან რაღაც მონობაზე ევროპასთან დ ეს ყველაფერი ტყუილად არ ხდება. ეს არის ევროპული იდეის მიზანმიმართული დისკრედიტაცია და მესამე-

რაც ჩვენ დღეს ვიხილეთ, როგორც მინიმუმ ერთი წელია ვუყურებთ, ეს არის ეკლესიის ძალიან აგრესიული განაცხადი, მათ ჰქონდეთ უფლება სახელმწიფოს მოწყობაში ჩაერიონ.

ის, რაც მოხდა 17 მაისს ქუჩებში დღეს მოხდა პარლამენტში. სასულიერო პირები, რომელებსაც არანაირი საერთო არ აქვთ სულიერებასთან, პირდაპირ ემუქრებოდნენ პოლიტიკოსებს, რომ ისინი არჩევნებზე ვერ გაიმარჯვებდნენ და ასე შემდეგ. ჩვენ თეოკრატიული სახელმწიფოს ძალიან სერიოზული ნიშნები მივიღეთ,"-განაცხადა ხოშტარიამ.