-
2014-04-30 11:05
ბიძინა ივანიშვილის მთავრობაში კლანური მმართველობის ნიშნები ჩანს – ამის შესახებ ,,იმედის“ ეთერში თეა სიჭინავას გადაცემაში საპარლამენტო უმცირესობის წევრმა დავით დარჩიაშვილმა განაცხადა.
დარჩიაშვილის თქმით, ხელისუფლებაში ჩანს სისტემური პრობლემა და ნათელია, რომ ექსპრემიერისა და პრეზიდენტის კონფლიქტის გამო ღარიბაშვილსა და მარგველაშვილს შორის ურთიერთობა გართულებულია.
,,ვხედავთ, რომ ადამიანი, ვინც ,,ქართული ოცნება“ შექმნა, პერიოდულად გვერდზე სწევს ხოლმე ახლო თანამებრძოლებსა და მოკავშირეებს. მარგველაშვილი არც პირველი იყო და არც უკანასკნელია. ეს ყველაფერი რომ კვალს დატოვებს, ესეც ფაქტია, ეს ხომ არაა საბავშვო ბაღი, ბურთის გამო იჩხუბონ და მერე შერიგდნენ.
ეს არის პრობლემა, რომელიც სისტემურ პრობლემაში გადადის და კლანური მმართველობის ნიშანია, იგივე შემიძლია ვთქვა, უმრავლესობა იტყვის, რომ რატომ უნდა მოსულიყო მთავრობა პარლამენტში, პრეზიდენტის გამოსვლისას?– მე ვამბობ, რომ უნდა მოსულიყო.
თუ მშვენიერი თანამშრომლობაა, ამას ეს აჩვენებს. შეუსაბამობაში სწორედ ეგ მოდის, ასევე პრეზიდენტს ვერ მოუხერხებია უშიშროების საბჭოს ამოქმედება. კონსტიტუციაში ცვლილებები შეტანილი არ არის, ცალკე უსაფრთხოების საბჭო ამოქმედდა ღარიბაშვილთან,“– განაცხადა დარჩიაშვილმა.