-
2014-04-30 01:25
აშშ-ის სახელმწიფო მდივანმა ჯონ კერიმ აღიარა, რომ კრემლთან გადატვირთვის პოლიტიკამ კრახი განიცადა და აღნიშნა, რომ დესტაბილიზაცია უკრაინაში შემაშფოტებელი სიგნალი უნდა გახდეს ნატოსთვის.
რადიო „თავისუფლების“ ცნობით, ვაშინგტონში გამოსვლისას კერიმ აღნიშნა, რომ ყირიმის ოკუპაციითა და აღმოსავლეთ უკრაინაში დესტაბილიზაციის ორგანიზებით რუსეთი ცდილობს „შეცვალოს აღმოსავლეთ ევროპის უსაფრთხოების სისტემა“.
სახელმწიფო მდივანმა ხაზი გაუსვა, რომ „ნატომ სრულიად ცალსახად უნდა მოახდინოს კრემლის წინაშე დემონსტრირება, რომ ალიანსის ტერიტორია ხელშეუხებელია. ჩვენ მის ყოველ სანტიმეტრს დავიცავთ“.
კერის თქმით, აშშ და მისი ევროპელი პარტნიორები დიდი ხნის განმავლობაში ცდილობდნენ კრემლთან ურთიერთობის გადატვირთვას, მაგრამ, როგორც ჩანს, „ვლადიმირ პუტინი სხვა წესებით თამაშობს“.