2014-04-29 20:32

ანტიდისკრიმინაციული პროექტის განხილვისას სასულიერო პირებმა კომიტეტის სხდომა პროტესტის ნიშნად დატოვეს. საპატრიარქოს წარმომადგენლების განცხადებით, დღევანდელი სხდომიდან ჩანს, რომ უმრავლესობასთან შეთანხმება ვერ იქნება მიღწეული.

"ვხედავთ, რომ კრება დარჩა მხიარული, რადგან ჩვენ ვეუბნებით მათ, რომ ამ კანონის მიღება არ შეიძლება. უბრალოდ, ვითხოვდით, რომ გადადებულიყო და განხილვა გაგრძელებულიყო. თუმცა, ვხედავთ, რომ ეს მათ არ სურთ", - აღნიშნა დეკანოზმა დავით მანსურაშვილმა.

ადამიანის უფლებათა დაცვის კომიტეტის სხდომაზე ანტიდისკრიმინაციული კანონის მუხლობრივად განხილვის პროცესი ამ წუთებშიც მიმდინარეობს.