2014-04-29 19:51

რომ აგირჩიონ თბილისის მერად, მერიიდან ჰომოსექსუალ თანამშრომელს თუ გაათავისუფლებდით?– ამ კითხვის ადრესატი პარლამენტის ადამიანის უფლებათა დაცვის კომიტეტის სხდომაზე დიმიტრი ლორთქიფანიძე გახდა.

ლორთქიფანიძემ კითხვას პროვოკაციული უწოდა და მოითხოვა, რომ რადგან ამ შინაარსის შეკითხვა წინასაარჩევნოდ მის დისკრიმინაციას ემსახურებოდა პასუხი თავად კომიტეტის თავმჯდომარეს გაეცა (კითხვა–პასუხს სხდომის რეგლამენტი არ ითვალისწინებდა).

,,არავისი საქმე არაა, ვინ რა სექსუალობით გამოირჩევა,მაგრამ სექსუალობის მადის დემონსტრირება, რაც მორალს უქმნის საფრთხეს, რა თქმა უნდა არის განსჯის, მსჯელობის და შედეგზე ორიენტირებული საქმე. როცა ადამიანი მუშაობს საჯარო სამსახურში და ლავირებას ახდენს თავის სექსუალური მადით, რა თქმა უნდა, ეს არის რეაგირების საკითხი,“– განაცხადა დიმიტრი ლორთქიფანიძემ პარლამენტის ადამიანის უფლებათა დაცვის კომიტეტის სხდომაზე, სადაც ანტიდისკრიმინაციული კანონპროექტი განიხილება.