,,ძალიან კარგია, რომ თამარ კორძაიამ მეორედ გამოაჩინა თავისი სახე, ვულოცავ ნაძალადევს,“– ჯონდი ბაღათურიას ეს კომენტარი მოჰყვა ,,ქართული ოცნების“ მაჟორიტარი დეპუტატის თამარ კორძაიას რეპლიკას, რომლითაც მან კომიტეტის სხდომაზე შეკრებილი სასულიერო პირები გააკრიტიკა .
,,ქართული ოცნების“ მაჟორიტარმა დეპუტატმა თამარ კორძაიამ შემდეგ დარბაზი პროტესტის ნიშნად დატოვა. პარლამენტის ადამიანის უფლებათა დაცვის კომიტეტის სხდომაზე მიმდინარე პროცესებს და ამ კონკრეტულ ინციდენტს, საკუთარ ,,ფეისბუქ“ გვერდზე ჟურნალისტი თამარ ჩერგოლეიშვილი გამოეხმაურა:
,,თამარ კორძაიამ პროტესტის ნიშნად დარბაზი დატოვა. მან თქვა, რომ ის რაც ამ დარბაზში ხდება არის პარლამენტზე ძალადობა. დავით ისაკაძემ (მგონი ეგ იყო, ან სხვა წვეროსანი) ბესელიას მიმართა, რომ თუ სურს ასეთი რამ არ მოხდეს, თანაგუნდელები გააფრთხილოს, რომ ეკლესიის წინააღმდეგ ნურაფერს იტყვის.
ბესელიამ კორძაია არ დაიცვა. ბესელიამ, რომელიც ადამიანის უფლებათა კომიტეტის თავმჯდომარეა, არ შეახსენა წვერიან გვამს, რომ კრიტიკის მიღმა არავინაა. ხმა არც გედევან ფოფხაძეს ამოუღია.“– წერს ჩერგოლეიშვილი.
სხდომაზე ანტიდისკრიმინაციული კანონი განიხილება, მას ლგბტ ჯგუფზე მომუშავე პირების გარდა სასულიერო პირები და პარლამენტის წევრები ესწრებიან.