,,ნუ მოგვიწოდებთ ნურავინ, რომ არ უნდა ვდევნოთ, არავის არ უნდა მივაყენოთ შეურაცხყოფა,“– ამბობს სასულიერიო პირი, რომელიც ადამიანის უფლებათა დაცვის კომიტეტის სხდომას ესწრება.
,,აგერ ახალგაზრდა ბიჭია შემოსული, რომელსაც გულზე უკეთია ცისარტყელას ნიშანი, მას არავინ ერჩის, შემოვიდა პარლამენტში, ქვემოთ უამრავი ხალხია, გამოიარა არავის დაუსტვენია , არავის შეუგინებია, ხმა არ გაუცია.
ჩვენ ნუ გვასწავლიან, რომ არავის მივაყენოთ შეურაცხყოფა. ნუ გვახსენებენ, რომ არავინ უნდა ვცემოთ,“– აცხადებს სასულიერო პირი, რომელიც დღეს პარლამენტში ადამიანის უფლებათა კომიტეტზე იმყოფება, სადაც მსჯელობა ანტიდისკრიმინაციულ კანონპროექტს შეეხება.
სხდომაზე სექსუალური უმცირესობების უფლებების დაცვის საკითხი განიხილება, სხდომას ლგბტ ჯგუფზე მომუშავე პირების გარდა სასულიერო პირები და განსხვავებული შეხედულებების მქონე პარლამენტის წევრები ესწრებიან.