პარლამენტის თავმჯდომარე დავით უსუფაშვილმა მოლდოვაში ვიზიტის ფარგლებში გამართულ პრესკონფერენციაზე განაცხადა, რომ ხანდახან საქართველოს ერთიანობა კითხვის ქვეშ დგება ხოლმე, მაგრამ ეს კიდევ უფრო ამყარებს ქვეყნის არჩევანს,, გახდეს ევროპის ნაწილი:
"ჩვენ გვაქვს საერთო ხედვები, საერთო პასუხისმგებლობა ჩვენი ხალხის წინაშე და საერთო სამომავლო გეგმები. ჩვენ დღეს ვხედავთ, რომ ორი ქვეყანა ერთად მიდის ევროპისაკენ და ისინი ერთმანეთს ეხმარებიან ამ გზაზე. დღეს ჩვენ განვიხილეთ საკითხების ფართო სპექტრი და ვერ აღმოვაჩინეთ ვერც ერთი საკითხი, სადაც გვექნებოდა განსხვავებული აზრი. ეს არის მნიშვნელოვანი საფუძველი სამომავლო მეგობრობისთვის და ჩვენს ხალხებს, პოლიტიკოსებსა და ბიზნესს წრეებს შორის კონტაქტისთვის.
ორივე ქვეყანას გვინდა გავხდეთ გაფართოებული ევროპის ნაწილი, ჩვენ გვინდა ვიყოთ დამოუკიდებლები. გასულ წლებში ჩვენ გამოვიარეთ მსგავსი პრობლემები, სამწუხაროდ, ხანდახან ჩვენი ქვეყნების ერთიანობა კითხვის ნიშნის ქვეშ დგება ხოლმე ჩვენი მეზობელი ქვეყნის მიერ. მაგრამ ეს კიდევ უფრო მეტად ამყარებს ჩვენს არჩევანს – გავხდეთ ევროპის ნაწილი", - განაცხადა უსუფაშვილმა.