ევროკავშირმა რუსეთისთვის დაწესებული სანქციების დამატებით სიაში 15 პირი შეიყვანა. ამის შესახებ ინფორმაციას ევროკავშირის ოფიციალური ჟურნალი ავრცელებს.
ე.წ. შავ სიაში რუსი და უკრაინელი მაღალჩინოსნები მოხვდნენ, მათ შორის რუსეთის ვიცე-პრემიერი დიმიტრი კოზაკი, რუსეთის პრეზიდენტის წარმომადგენელი ყირიმში ოლეგ ბელავენცევი, სევასტოპოლის მერის მოვალეობის შემსრულებელი სერგეი მენიალო, ე.წ. დონეცკის სახალხო რესპუბლიკის ერთ-ერთი ლიდერი დენის პუშილინი, დონბასის სახალხო მილიციის ხელმძღვანელი სერგეი ციპლაკოვი, რუსეთის გრუ-ს თანამშრომელი იგორ სტრელკოვი და სხვა ოფიციალური პირები.
ამასთან, სანქციები ითვალისწინებს აქტივების გაყინვასა და ევროკავშირის ქვეყნებში სავიზო აკრძალვას.