2014-04-29 10:01

ირაკლი კაკაბაძე შსს-ს მთავარ სამმართველოში დაიბარეს. როგორც კაკაბაძემ „სამოქალაქო პრესას“ განუცხადა, მისთვის ჯერჯერობით უცნობია სამმართველოში დაბარების მიზეზი, თუმცა ის არ გამორიცხავს, რომ საქმე დათა ახალაიას ადვოკატთან მომხდარ ინციდენტს ეხებოდეს.

როგორც კაკაბაძე აღნიშნავს, ბოდიშის მოხდას ის არ აპირებს. შეგახსენებთ, რომ 17 აპრილს თბილისის საქალაქო სასამართლოში, სანდრო გირგვლიანის საქმის დასრულების შემდეგ სასამართლოში ინციდენტი მოხდა.

როგორც დათა ახალაიას ადვოკატმა ირაკლი ზაქარეიშვილმა განაცხადა, ირაკლი კაკაბაძემ მას სახეში შეაფურთხა.