-
2014-04-28 23:47
დონეცკში ანტიტერორისტული ოპერაციის ფაგრლებში მიმდინარე მანევრების დროს ერთი უკრაინელი ჯარისკაცი დაიღუპა, ერთი კი დაიჭრა, სავარაუდოდ, თვითნაკეთი მოწყობილობის აფეთქების შედეგად.
მოსამსახურეები სამსახურებრივ მოვალეობას ასრულებდნენ, რა დროსაც წინასწარი მონაცემებით, თვითნაკეთი ასაფეთქებელი მოწყობილობა აფეთქდა.
აფეთქების შედეგად ორი სამხედრო მოსამსახურე დაიჭრა, რომლებიც პირველადი დახმარების აღმოჩენის შემდეგ სამხედრო ვერტმფრენით სამხედრო-სამედიცინო კლინიკაში გადაიყვანეს, თუმცა ტრანსპორტირებისას ერთ-ერთი ჯარისკაცი მიყენებული ჭრილობების შედეგად გარდაიცვალა.
რაც შეეხება მეორე ჯარისკაცის ჯანმრთელობის მდგომარეობას, ექიმების შეფასებით, მის სიცოცხლეს საფრთხე არ ემუქრება.