საქართველოს პრემირმინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ოკუპანტების მიერ ქართველი ჟურნალსიტების დაკავების ფაქტს ეხმაურება.
აბაშიძის განცხადებით კარასინთან ერთ-ერთი ძირითადი სასაუბრო თემა სწორედ ქართველი ჟურნალისტების გათავისუფლების საკითხი იყო:
„ითქვა, რომ ეს ძალიან სწრაფად უნდა გადაწყდეს, მე ვფიქრობ, რომ იქნება მიღებული ზომები და ეს თემა დღის ბოლოსთვის უნდა დასრულდეს და მოგვარდეს. მე ასეთი განცდა მაქვს და იმ საუბრების დროსაც, რომელიც გვქონდა კარასინთან, მე ისეთი შთაბეჭდილება დამრჩა, რომ ეს უსიამოვნო საკითხი დღესვე მოგვარდება. ჩვენთვის მთავარია, რომ ეს ახალგაზრდები გაათავისუფლონ. ზედმეტ ყურადღებას ნუ მივაქცევთ რუსეთის საგარეო საქმეთა სამინისტროს განცხადებას, მაგრამ ვიმეორებ, რომ მთავარია რაც შეიძლება სწრაფად გაათავისუფლონ ისინი. იყო სხვა ჰუმანიტარულ თემებზეც საუბარი, კერძოდ იმ საკითხზე რაც სოფელ აძვში ხდება“, - განაცხადა ზურაბ აბაშიძემ.