2014-04-16 16:36

ჟურნალისტების დაკავებას კრემლი ქართული მხარის პროვოკაციად აფასებს. საგარეო საქმეთა სამინისტრომ ოფიციალური განცხადება გაავრცელა.

„15 აპრილს, რუსმა მესაზღვრეებმა, რომლებიც მთავრობათა შორის შეთანხმების შესაბამისად სამხრეთ ოსეთისა და საქართველოს საზღვრის დაცვას ახორციელებდნენ, სამხრეთ ოსეთის ტერიტორიაზე სამი ქართველი ჟურნალისტი დააკავეს, მოქმედი წესის თანახმად, დაკავებულები სამხრეთ ოსეთის ხელისუფლებას გადაეცა.

არსებული მონაცემები ადასტურებენ, რომ საზღვრის დამრღვევები შეგნებულად და დემონსტრაციულად გადავიდნენ სოფელ აძვიდან, მის მიმდებარედ სამხრეთ ოსურ დასახლებულ პუნქტში, სადაც სასაზღვრო ინფრასტრუქტურის გადაღება მოახდინეს.

ეს რთულია არ შეფასდეს, როგორც დაგეგმილი აქცია, რომლის მიზანიც პრაღაში დღეს მიმდინარე კარასინი-აბაშიძის შეხვედრის ატმოსფეროს დაძაბვაა“, - ნათქვამია რუსეთის საგარეო საქმეთა სამინისტროს მიერ გავრცელებულ განცხადებაში.