საპარლამენტო უმცირესობის წევრმა როლანდ ახალაიამ პარლამენტის თავმჯდომარეს დავით უსუფაშვილს მიმართა და მოუწოდა, რომ მან ერთნაირად დაიცვას როგორც უმრავლესობის, ისე საპარლამენტო უმცირესობის უფლებები:
"თქვენ ბრძანდებით არამხოლოდ უმრავლესობის ხელმძღვანელი, არამედ პარლამენტის თავმჯდომარე. თქვენ ერთნაიარად უნდა ზრუნავდეთ როგორც უმრავლესობის, ასევე უმცირესობის ავტორიტეტზე და მის საქმიანობაზე. ძალიან გამაკვირვა თქვენმა სწრაფმა რეაქციამ, რაც ჩემთან დაკავშირებით კანონის შესწორებას მოჰყვა. მე ჩემი ცხოვრება მივლია ისე, რომ იმუნიტეტი არასდროს დამჭირვებია. ჩემი იმუნიტეტი არის ჩემი სიმართლე, მაგრამ მინდა გაოცება ფაქტთან დაკავშირებით გამოვხატო. არ მინდა დავიჯერო, რომ ასეთი მიდგომის მიზეზი თქვენი პირადი დამოკიდებულება იყო. გულახდილად გეტყვით, არ ვიცოდი და ახლა შემთხვევით გავიგე, თქვენი ნათესაური კავშირის შესახებ ცოტნე ბაკურიასთან და მგონია, რომ ეს არაფერ შუაში არ არის. მე უფრო მგონია, რომ თქვენ ამ საკითხს მხარი პოლიტიკური მორჩილების გამო აუბით", – განაცხადა როლანდ ახალაიამ დავით უსუფაშვილის მისამართით.
ახალიასი მიმართვას უსუფაშვილმა უპასუხა და განაცხადა, რომ იგი არავის არ უსრულებს იმ მდგომარეობაში ყოფნას, როგორშიც როლანდ ახალაიაა.