ამერიკის შეერთებული შტატების ელჩი საქართველოში რიჩარდ ნორლანდი „ტვ3“-ის გადამღები ჯგუფის ოკუპირებული ტერიტორიიდან გატაცების შესახებ კომენტარს კიდევ ერთხელ აკეთებს.
ნორლანდის განცხადებით, საქართველოს ხელისუფლება და ევროკავშირის სადამკვირვებლო მისია აქტიურად იქნებიან ჩართულები და უზრუნველყოფენ ჟურნალისტების გათავისუფლებას:
„ჩვენ არაერთხელ აღგვინიშნავს, რომ საქართველოს ტერიტორიის უკანონო ოკუპაცია და ხელოვნური საზღვრების გავლება ქმნის სერიოზულ პრობლემებს ადამიანებისთვის, მათი გადაადგილებისთვის. ჟურნალისტების დაკავების ფაქტი, კიდევ ერთი მაგალითია ასეთი გამოვლინებისა. დარწმუნებული ვარ, საქართველოს ხელისუფლება და ევროკავშირის სადამკვირვებლო მისია აქტიურად იქნებიან ჩართულები და უზრუნველყოფენ ჟურნალისტების გათავისუფლებას. ჩემთვის ცნობილია, რომ აბაშიძისა და კარასინის შეხვედრაზეც იქნება განხილული ეს თემა", -აღნიშნა რიჩარდ ნორლანდმა.