თბილისის უფლებამოსილებაშეჩერებულმა მერმა გიგი უგულავამ თბილისის საქალაქო სასამართლოში რიყის ტერიტორიისა და "იმედის" გასხვისების საქმეზე პროცესის დასრულების შემდეგ ჟურნალისტებთან საუბრისას განაცხადა, რომ ირაკლი ღარიბაშვილს ფარცხალაძემ უხერხულობა შეუქმნა და მას საკუთარი განცხადების კორექტირება მოუხდა:
"ღარიბაშვილის ინიციატივა თავიდანვე ფარსი იყო და თვითონაც დაადასტურა, რომ გაკეთებული იყო უცხოელების თვალის ასახვევად, უცხოელებთან პოზირებისათვის. მას არანაირი სამართლებრივი დატვირთვა არ გააჩნია. როგორც ჩანს პროკურატურას – ფარცხალაძეს თავისი ხაზი აქვს და პრემიერი უხერხულობაში ჩავარდა, თავისი სიტყვების კორექტირება მოუწია. ამით გამოვლინდა, რომ ივანიშვილი არ აპირებს ნორმალური არჩევნების ჩატარებას. ვწუხვარ, მაგრამ ფაქტია, რომ წინასაარჩევნო პერიოდი ხელისუფლების უპასუხისმგებლობის გამო დაძაბული იქნება, თუმცა პასუხისმგებლობას ვერ გაექცევიან", - განაცხადა გიგი უგულავამ.