შინაგან საქმეთა სამინისტროს მიერ გამოქვეყნებულ სტატისტიკაში, სადაც ქვეყნის მასშტაბით მიმდინარე წლის 7 თვის დანაშაულთა გახსნაა აღწერილი, აღნიშნულია, რომ შარშანდელ ანალოგიურ პერიოდთან შედარებით დანაშაულმა იკლო, ხოლო დანაშაულის გახსნის მაჩვენებელი გაორმაგდა.
სტატისტიკური მონაცემებით, 2013 წელს, წინა წლის ანალოგიურ პერიოდთან შედარებით, ქვეყნის მასშტაბით დანაშაულმა 4126 ერთეულით იკლო, ხოლო დანაშაულის გახსნის მაჩვენებელი გაორმაგებულია და 53,3%-ს შეადგენს.
2013 წლის 7 თვის მონაცემები 2012 წლის ანალოგიურ პერიოდთან შედარებით: ქვეყნის მასშტაბით 2012 წელს მომხდარი დანაშაული: 20716-ია, აქედან გახსნილი: 4781, გახსნის მაჩვენებელი კი 23,1%-ია.
მიმდინარე წელს მომხდარი დანაშაული: 16590-ია, აქედან გახსნილია 8840, გახსნის მაჩვენებელი კი 53,3%-ია. დანაშაულმა იკლო 4126-ით, გახსნის მაჩვენებლმა კი მოიმატა: 30,2%-ით.