2014-04-11 23:37

საპარლამენტო უმცირესობის წევრმა გივი თარგამაძემ ტელეკომპანია „იმედის“ გადაცემა „რეაქციაში“ განაცხადა, რომ თუ ხელისუფლებას ადამიანების გაჩერება არ შეუძლია, ის უნდა გადადგეს:

„თუ ესაა ხელისუფლება, მან უნდა აიღოს სიტუაციაზე კონტროლი და თავდასხმებზე რეაგირება მოახდინოს. 7 ადამიანის დაკავება, რომელსაც 100 ლარიანი ჯარიმით გაათავისუფლებს, არაა პასუხისმგებლიანი ხელისუფლების ადეკვატური ქმედება. თუ ასე გააგრძელებენ, არჩევნები აღარ შეფასდება, როგორც თავისუფალი. საქართველოში, 21-ე საუკუნეში დარბიან ადამიანები, რომელსაც ხელისუფლება, მისი თქმით, ვერ აჩერებს, თორემ სინამდვილეში აქეზებს და რომლებიც საკონსტიტუციო სასამართლოს თავმჯდომარეს კვერცხებს ესვრიან. თუ ადამიანების გაჩერება არ შეუძლიათ, მაშინ უნდა გადადგნენ, რადგან არ ყოფილა ხელისუფლება და დაბრუნდეს ისევ ოპოზიციაში", - აღნიშნა თარგამაძემ.