2014-04-11 19:14

საარჩევნო კამპანიას ,,ერთიანი ნაციონალური მოძრაობა" ზუგდიდიდან დაიწყებს. 12 აპრილს შეკრება ილიას ძეგლთან გაიმართება, ამის შესახებ ,,ნაციონალური მოძრაობის" წევრი ნუგზარ წიკლაური აცხადებს.

,,საარჩევნო კამპანიას ვხსნით ზუგდიდში, ხვალ, 12 აპრილს. შეკრება ილიას ძეგლთან გაიმართება. მინდა მოვუწოდო ჩვენს მხარდაჭერებს, აქტიური მონაწილეობა მიიღონ ამ თავყრილობებში და დავანახოთ ყველამ ერთად ხელისუფლებას, რომ ხალხი არ შეეგუება სტაგნაციას და უპერსპექტივობას საქართველოში", - განაცხადა საპარლამენტო უმცირესობის წევრმა ნუგზარ წიკლაურმა.

მანვე კოალიცია ,,ქართულ ოცნებას" მოუწოდა, უარი თქვან საკუთარი მოქალაქეების წინააღმდეგ პროვოკაციების დაგეგმვაზე.