2014-04-11 18:38

ბათუმიდან სოჭის მიმართულებით საზღვაო მიმოსვლა აღდგენილია. ამ რეისს კომეტა შეასრულებს. სოჭიდან ბათუმში კომეტა პარასკეობით, ბათუმიდან სოჭში კი ხუთშაბათობით იმოძრავებს.

როგორც "სოჩი-ექსპრეს.რუ" იტყობინება, ფასები იგივე დარჩა, რაც 2013 წლიდან იყო. 2013 წლის ოქტომბერში სოჭიდან ბათუმში ჩქაროსნული კატამარანი ჩავიდა, რომელიც 300 მგზავრზე იყო გათვლილი.

იყო გეგმა, რომ სწორედ ეს, რუსული დროშით მცურავი კატამარანი იმოძრავებდა ამ ორ ქალაქს შორის, მაგრამ ამ გეგმის განხორციელება გადაიდო, სავარაუდოდ, მგზავრების სიმცირის გამო.

მასალას თანდართული ვიდეო სწორედ 2013 წელს ბათუმში კატამარანის შესვლას ასახავს.