2014-04-11 18:23

ჩუღურეთის რაიონში ავარიული საცხოვრებელი სახლების გამაგრებითი სამუშაოები დაიწყო.როგორც გამგეობასი აცხადებენ, ჩუღურეთის რაიონის ერთ-ერთ ძირითად პრობლემად დღემდე რჩება ავარიული სახლები და სახურავები. მიმდინარე წელს გამგეობაში უკვე შემოსულია 37 განცხადება ავარიული სახლების კაპიტალური შეკეთების თხოვნით, ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, თანადაფინანსების გზით.

გამგეობის მიზანია რაიონის თითოეული მაცხოვრებლის მაქსიმალური ჩართულობა მიმდინარე პროცესებში, რომ მათ ზუსტად იცოდნენ, თუ როგორ და რა პრობლემის გადაჭრას შეძლებენ რაიონის გამგეობასთან ერთად. 

ჩუღურეთის რაიონის გამგებელი, დავით დაღელაშვილი პერმანენტულად ხვდება მოქალაქეებს სხვადასხვა მისამართზე, ათვალიერებს უკვე დასრულებულ, კაპიტალურად გამაგრებულ სახლებს და ასევე უშუალოდ აკონტროლებს მიმდინარე კაპიტალურ შეკეთებით სამუშაოებს.