სიმფეროპოლის აკ–მეჩეთის მიკრორაიონში 9 აპრილს ყირიმელი თათრები შეიკრიბნენ და ჟურნალისტებთან გაასაჯაროვეს 31 მარტს მომხდარი ინციდენტი, რა დროსაც 10 წლის ყირიმელ ტათატ ბიჭუნას იმიტომ სცემეს, რომ ტელეფონში მშობლიურ ენაზე ლაპარაკობდა.
ბავშვის დედამ ასეა მუჟდაბაევამ ჟურნალისტებს უთხრა, რომ მისი შვილი ჯერაც სტრესულ მდგომარეობაშია და პრესასთან ურთიერთობა არ სურს, ხოლო თავად მომხდარი ფაქტის მოყოლისას განაცხადა, რომ ინციდენტი სკოლიდან ბავშვის დაბრუნების დროს მოხდა, როცა ის მობილურზე საუბრობდა:
„მას წინ გადაუდგნენ და ჯერ ლაპარაკის შეწყვეტა, მერე კი საერთოდ, „თათრული ენის დავიწყება“ და რუსულზე გადასვლა. „თქვენ, თათრებს ყველას გაგადებთ აქედან“, „ყირიმი – რუსეთია“ – ჩაჰყვიროდნენ ისინი ბავშვს, ხოლო მას შემდეგ, რაც პატარა ბიჭუნამ მოუწოდა, სიტყვები შეერჩიათ, ის სასტიკად სცემეს.
ბავშვს ოპერაციის ჩატარება დასჭირდა. ის 7 აპრილს გამოწერეს კლინიკიდან. ის ჯერაც შოკშია. მისმა მშობლებმა მილიციაში განცხადება უკვე შეიტანეს. ადგილობრივი მოსახლეობა დამნაშავეთა დასჯას მოითხოვს.
