2014-04-09 09:57

გვიან ღამით ხმაური იყო თბილისში, გუდამაყრის ქუჩაზე მდებარე ერთერთ შენობაში, სადაც სოციალურად დაუცველები ცხოვრობენ.

ისინი ელექტროენერგიისა და ელემენტარული საცხოვრებელი პირობების არქონას აპროტესტებდნენ.

მათ დენის ჯიხურის თვითნებურად გაღება სცადეს, რის შემდეგაც, როგორც თავად ყვებიან, პოლიცია გამოსახლებით დაემუქრა. შენობაში რამდენიმე ათეული სოციალურად დაუცველი ოჯახი ორი წელია ცხოვრობს, ისინი ხელისუფელბას დახმარებას და მრიცხველების დამონტაჟებას სთხოვენ:

„შუქის ჩასართავად რომ ჩავედით, გამოიძახეს ოპერატიული, გადმოცვივდნენ ავტომატებით, თუ კორპუსში არ შეხვალთ, გამოვიძახებთ დამატებით ძალებს და გაგასახლებთო. ვისაც ნამუსი აქვს ამ სახელმწიფოში, ერთერთი კაცი გამოვიდეს და დაგველაპარაკოს. ერთი კვირაა აქცია მიმდინარეობს პარლამენტის წინ და ჩვენც შევუერთდებით“, - განაცხადა აქციის მონაწილემ.