2013-07-23 22:17

ბათუმში გუშინ მომხდარ მკვლელობასთან დაკავშირებით, რომელსაც 16 წლის მარიამ კოჩალიძის სიცოცხლე ემსხვერპლა, შსს გამოძიების ხელთ ამ დროისთვის არსებულ, სავარაუდო მკვლელის აღწერილობას აქვეყნებს.

"გამოძიების მსვლელობისას გაირკვა, რომ აღნიშნული დანაშაულის სავარაუდო ჩამდენმა პირმა გუშინ საღამოს 7 – 7.30 საათზე ახალი ბულვარის ბოლოდან დაახლოებით 100 მეტრის მოშორებით გააჩერა მუქი ფერის ტაქსი და დანაშაულის ადგილიდან მიიმალა. სავარაუდო მკვლელის აღწერილობა:

მამაკაცი არის 40-45 წლის, სიმაღლე 180-185 სმ, საშუალოზე ოდნავ სუსტი, საშუალო სიგრძის შავი სწორი თმები, შავი წარბები, შავი წვრილი თვალები, თავისა და სახის წაგრძელებული ფორმა, სწორი და მოგრძო ცხვირი, თხელი ტუჩები, მომრგვალებული, ოდნავ წინ წამოწეული ნიკაპი, მუქი ხორბლისფერი კანი, საუბრობს დამტვრეული ქართულით, ხშირად მუნჯის იმიტაციას აკეთებს. ტანთ ეცვა შავი ფერის მოკლესახელოებიანი მაისური, ზევიდან სტაფილოსფერი უმკვლავო საწვიმარი, ლურჯი ან შავი ვიწრო ჯინსის შარვალი, ატარებს შავი ფერის სათვალეს, თან დააქვს შავი ფერის ზურგჩანთა და ყავისფერი ხელჩანთა.

შინაგან საქმეთა სამინისტრო აღნიშნული ტაქსის მძღოლს მოუწოდებს დაუყონებლივ გაუწიოს დახმარება გამოძიებას და გამოცხადდეს შინაგან სსაქმეთა სამინისტროს აჭარის მთავარ სამმართველოში", - ნათქვამია განცხადებაში.