2014-03-19 12:45

პრეზიდენტის მრჩეველი, ვანო მაჭავარიანი ბიძინა ივანიშვილის განცხადებას პასუხობს. მისი თქმით, ყოფილ პრემიერს არ ჰქონდა სრული ინფორმაცია მის შესახებ და ის შეცდომაში შეიყვანეს:

„ეს არავითარ სიმართლეს არ შეესაბამება, მე მაშინაც ვმუშოაბდი საპარტნიორო ფონდში, მაშინაც მიშა მაჭავარიანის ძმა ვიყავი, ბიძინა ივანიშვილმა ეს ძალიან კარგად იცოდა. სამწუხაროა ის, რომ ბიძინა ივანიშვილმა ამ ჭორებს დაუჯერა. მე ვიტყოდი, რომ ეს კითხვა ზოგადად დაისვა იმიტომ, რომ ბიძინა ივანიშვილს არაერთხელ უთქვამს, რომ მას სურს, მე ვიმუშაო იმ გუნდში, ეს თემა ჩემთვის მოულოდნელი არ იყო. ის, რომ გიორგი მარგველაშვილს აქვს პოზიცია, როგორც პრეზიდენტს და არ იქნება ყოველთვის აზრთა თანხვედრა და ერთ თარგზე ამოჭრილი კონკრეტული შეხედულებები, როგორც ჩანს ამ ახალ რეალობას ყველა უნდა გაგებით მოეკიდოს“, - განაცხადა ვანო მაჭავარიანმა.