2014-03-18 18:42

პუტინის დღევანდელ მიმართვას აშშ-ს ვიცე-პრეზიდენტი ჯო ბაიდენი პოლონეთიდან გამოეხმაურა:

„ახლა, როგორც არასდროს მეგობრები ერთმანეთის გვერდით უნდა იდგნენ, ამიტომ ვიმყოფებით პოლონეთში. დაუჯერებელი მოვლენების გამო შევიკრიბეთ აქ. უკრაინელმა ხალხმა აჩვენა სიმამაცე, განეხორციელებინა თავიანთი მისწრაფება, ჰქონოდათ ევროპული მომავალი, რომელიც ოლიგარქისგან იქნებოდა თავისუფალი. რუსეთმა სამარცხვინოდ უპასუხა, შეჭრითა და ეთნიკური დაძაბულობის პროვოცირების შექმნით, ნაჩქარევად ჩაატარეს რეფერენდუმი, გასაკვირი არაა რომ ამ რეფერენდუმს არ ცნობს არცერთი ცივილური ქვეყანა. ახლა კი აგრძელებს ნაბიჯების გადადგმას ყირიმის ანექსიის მიზნით. ჩვენ ვგმობთ უკრაინის სუვერენიტეტზე თავდასხმას, საერთაშორისო სამართლის ნორმები დაირღვა რუსეთისა და ვლადიმერ პუტინის მიერ“, - აცხადებს ის.

პოლონეთში ჯო ბაიდენი ბარაკ ობამას დავალებით ჩავიდა, რათა უკრაინის კრიზისზე მოლაპარაკებები კოლეგასთან გამართოს. აშშ რუსეთის ლიდერებს დამატებითი სანქციებით დაემუქრა იმ შემთხვევაში, თუ მოსკოვი ყირიმის ანექსიას არ შეწყვეტს.