"დაყოფა არ შეიძლება ასე, რომ ქალმა ბავშვი უნდა გაზარდოს. მასაც სჭირდება რეალიზაცია, მასაც უნდა აღიარება სხვებისგანაც და საკუთარი თავისგანაც!...''- ზურა მხეიძე
2022-07-15 18:06
ფსიქოლოგმა ზურა მხეიძემ ქალზე და მისი ფეხმძიმობიდან დაწყებული, მშობიარობის შემდგომ მდგომარეობაზე ისაუბრა. მის თქმით, ქმარმა ქალს ხელი უნდა შეუწყოს მაქსიმალურად და ანგარიში გაუწიოს ცოლს, მთელი ამ დროის განმავლობაში.
„კაცს ოჯახი ნაკლებად უშლის ხელს კარიერასა და თვითრეალიზაციაში...
ქალს კი ნამდვილად უშლის ხელს... ის ფეხმძიმე უნდა იყოს, ბავშვი გააჩინოს...
წარმოიდგინეთ, რამდენი ხანი გამოყვანილია მწყობრიდან... ნებისმიერმა ზრდასრულმა იცის, რომ ქალი ჯერ კრიტიკული პრობლემების გამო არ არის ხოლმე მთლად კარგად, მერე ორსულობის დროს და ორსულობის მერეც.
კაცების საყურადღებოდ!!!ყველაზე დიდი შეცდომაა, როდესაც ჰგონიათ, რომ ქალმა იმშობიარა და მორჩა. კიდევ ერთი წელი ანგარიშის გაწევა მოგიწევს მისი ფსიქოლოგიური მდგომარეობისთვის!...
ქალი გამოდის ძალიან დიდი ხნით წყობიდან. კაცს ეს პრობლემა არ აქვს!..
ქალი დაფეხმძიმდება და შენ წახვედი სამსახურში. არც ხასიათი შეგცვლია შენ და არც ფსიქიკაზე უმოქმედია ამას...
ბავშვი არ არის ადვილი! კაცისთვის შეიძლება ადვილია, მაგრამ ბავშვის გაზრდა ძალიან დიდი ტვირთია. კი ბატონო, შეგვიძლია თანამედროვე ძიძებით გავზარდოთ, მაგრამ რეალურად ეს ბავშვისთვის არ არის საკმარისი.
დაყოფა არ შეიძლება ასე, რომ ქალმა ბავშვი უნდა გაზარდოს. მასაც სჭირდება რეალიზაცია, მასაც უნდა აღიარება სხვებისგანაც და საკუთარი თავისგანაც!...''