2021-04-26 17:38

„მარტო სახლშის“ ვარსკვლავი, ყველა თაობისთვის საყვარელი მსახიობი მაკოლეი კალკინი 40 წლის ასაკში მამა გახდა. მას და ბრენდა სონგს 5 აპრილს ლოს-ანჯელესში ბიჭი შეეძინათ. „უბედნიერესებივართ“ - ამბობდა წყვილი შვილთან შეხვედრის შემდეგ.

სახელი დაკოტა ვაჟს მსახიობმა დის საპატივცემულოდ დაარქვა, რომელიც 2008 წელს ავტოსაგზაო შემთხვევის შედეგად გარდაიცვალა

ბრენდამ და მაკოლეიმ ერთმანეთი 2017 წელს გადასაღებ მოედანზე გაიცნეს. მაკოლეი კალკინის თქმით, არაფერია იმაზე დიდი ბედნიერება, როცა ცოლი ოთახში შემოდის და გეუბნება, რომ ორსულადაა. 

მაკოლეი კალკინმა პოპულარობა 90-იან წლებში ფილმებით Home Alone, My Girl, Richie Rich და The Pagemaster მოიპოვა. პაუზის შემდეგ კი ის ეკრანს American Horror Story-ს მეათე სეზონით დაუბრუნდება.