2021-04-26 17:24

კანადელი პოპის მომღერალი ჯასტინ ბიბერი მსოფლიოს მასშტაბით ერთ-ერთი ყველაზე ცნობილი და შემოსავლიანი ახალგაზრდა მომღერალია. მან 2019 წლის სექტემბერში მოდელ ჰეილი ბოლდვინზე იქორწინა. 

ჯასტინი თავის პირადულ ცხოვრებაზე საჯაროდ არასდროს საუბრობდა, თუმცა მომღერალმა ახლახან, ერთ-ერთ ინტერვიუში მეუღლესთან ცხოვრების სირთულეები გაამჟღავნა. მისთვის 24 წლის მოდელთან ცხოვრება მოსალოდნელზე რთული აღმოჩნდა.

"ქორწინების პირველი წელი ურთულესი იყო. მივხვდით, რომ ერთმანეთის ნდობა გვაკლდა და ახლაც გვაკლია. ამის აღიარება არ გვსურს, მაგრამ ასეა", - ამბობს ჯასტინი ინტერვიუში.

"ჩემი პირადი ცხოვრება ქორწინების პირველ წელს არასტაბილური იყო. ახალს არაფერს ველოდი, თითქოს მეორე შანსი აღარ გვქონდა და ეს უბრალოდ არ გამოდიოდა. მაშინ არავინ მყავდა, არავინ, ვინც ჩემზე იზრუნებდა. ახლა ვცდილობთ, პრობლემები დავივიწყოთ".

როგორც ჩანს, წყვილის პირად ცხოვრებაში პრობლემები კვლავ არის და მის დამარცხებას ისინი ერთიანი ძალებით ცდილობენ.